القسم : العلاقة الزوجية ماقبل الزواج
العنوان : من هذا الموضوع زاد حقد امه عليا
عدد القراء : 2381

الإستشارة :السلام عليكم...انا باتكلم عن تفاصيل اخر المشاكل ويشهد الله عليا اني حاولت احتوي مشاكلي قد مااقدر عشان زوجي وحبي له قبل عيالي وماابغى الموضوع يكبر رغم انه كبر بس املي بالله كبير ...المشاكل زادت مع مرض ابو زوجي رحمة الله عليه انا لله الحمد رضى لزوجي وحبي لوالده احاول اخدمه قد مااقدر بالذات في موضوع الطبخ لانه يحب اكلي وزوجته الي هى ام زوجي مسلمى الموضوع هذا للخادمه ومن هنا صارت غيرتها زايده مني وانا كن افهم زوجي وهو يقول ماعليكي من امي اهم شي رضى الوالد ومن هذا الموضوع زاد حقد امه عليا وانا كنت عارفه بس زوجي مشاء الله يحب ابوه ويبغى يرضيه المهم استمر مرضه 7شهور وكان يطلب انه يسافر مك مع زوجي وامه ترفض تروح معاهم وكنت انا اروح عشان اخدمهم وهى اخذت الموضوع تحدي وصارت تحرض زوجي على وتخلق المشاكل وتوفى ابوه ومن بعد ماتوفى وهى بالعده بدت تاثلر على زوجي بالرغم من اني كنت مااسيبها ليل ونهار معاها ومع ضيوفها الي يجون لها ايام العزى وبعده لين اثرت على زوجي نسكن معاها ف نفس الفلا حقتها لاننا ساكنين بالملحق وهذا الشي عاتبوها عليه ناس كثير انه ملحق للخدم مو لولدك بس انا رفضت السكن نهائي وفضلت الملحق على الاقل لي مملكتى الخاصه وانا شارطه سكن شرعي مستقل عن والدته وبدى يضغط على بكل شي لانه للاسف كثر الزن اكثر من السحر وكل يوم واحنا بنقاش ومشاكل ماتنتهى وانا كنت بالشهر 2حامل وايام وحم كانت صعبه ونفسيتى تعبانه مااتحمل منه شي لين تناقشنا وشد النقاش وضربني وماهى اول مره دايم يضرب بس كان ضربه مبرح واتصل على اختي وقالها تعالي خذي اختك لاقتلها لان اهلي بمنطقه ثانيه وانا تهورت وكسرت لوحات قزاز بالبيت ودفني عليها وتقطعت رجولي وعيالي شايفين الموقف ويصيحوا وهو بدل مايهديهم صار يقولهم امكم مجنونه وتبغى تقتلكم وحاول يطلعهم برى البيت وانا رفضت صرت احاول اهديهم لين جات اختي وزوجها وحاولوا يخلوه يطلع من البيت رفض الا ياخدهم معاه وانا رفضت بعد اطلع الا بعيالي وطلب زوجي تدخل الشرطه وفعلا جات الشرطه وطلعنا كلنا للقسم كان الموضوع صدمه بالنسبه لي بس مابيدي اسوي شي من الصدمه وحولوني على المستشفى وحقوق الانسان وخلافه ومن يومها انا عند اهلى لي 3 شهور وهو رافض انه يجي يرجعني ويعترف بغلطه رغم اني اتصلت عليه وقلتله احنا الاثنين غلطنا ومستعده ارجع بس هو رفض الا بشروط صبه مره على واستشرت شيخ وقلي عزى نفسك يابنتي ومصيره يجي بس ماجى وهو عنده ولدي و2 من البنات وانا بس خليت عندي بنتى الصغيره قلت ممكن يتعب منهم ويحس فاايش رايك يادكتور ايش الحل وانا في الفتره هذي اكتشفت انه مسجل بمواقع زواج يبحث عن مسيار ودخلت باسم وهمي وراسلته كاني وحده بالموقع وكان كلامه معاى جري جدا وبعدين انسحبت وهو عرف بعدين عن طريق ولدى اني اكتشفت ومن بعدها قطع كل الاتصالات بيني وبين ولدى الله يخليكي انا في هم وماني عارفه ايش اسوي احبه وابغى ارجع بس بدون مااذل نفسي لاني دايم ارجع بمذله وهو تمادى بالضرب والاهانه ولا خلاص اطلب الانفصال ايش اسوي؟؟؟؟؟؟؟؟؟