القسم : العلاقة الزوجية ماقبل الزواج
العنوان : احس اني مخنوووقه وضااايعه
عدد القراء : 2643

الإستشارة :احس اني مخنوووقه وضااايعه محتاجه افضفض وحد يشور علي من خبره انا متملكه لي 8 شهور عمري 25 وزوجي 26 وهو من نفس عيلتي بس قرابه بعيده كنت متواصله مع خطيبي الاربع الشهور الاولى مكالمات وشافني اربع مرات وكان مبسوط كثير علي بس ماادري وش صار انقلب حالنا كثيير والسبب ماني عارفته الى الان بس اضن انو السبب قلتله انو فيني تليف بثديي بعد ملكتي بشهر ونص تقريبا لاكن والله ماكان على بالي قبل الملكه اقوله او قصدي اني اخبي عليه ومااتخذ ذا الشي سبب الا بعد شهرين من علمه بالامر اول ماقلتله بدايه الامر تفاجا لاكن ماسواها مشكله بالعكس وضح لي اهتمامه وكان يقولي اراجع طبيب واسوي عمليه وراجعت الطبيب وقلتله انو راي الطبيب يقول مافيه اي خطوره ولا ينصحني بالجراحه لانو احتمال يتلاشى بعد الزواج بس هو مو راضي يفهم ومرت فتره كنت احس ببروده تجاهي وكنت كلمني يوم وبعد ماقفل الخط ارسلت له رساله عتب شوي قويه <<اعترف ومن بعد الرساله ماسمعت له حس احاول اكلمه وارسل له مسجات ولا يرد خليت ولد اختي زميله ايام الدراسه يتكلم معه ويعرف وش فيه قال بس خلاص باقطع مكالمات الى الزواج مع العلم اني قبل اقوله نقطع و هو يقولي مانبي نقطع لانو المكالمات قربتنا من بعض بعدين قال لولد اختي ليه ماقالو لي قبل الملكه انو معها سرطان حميد بصدرها <<حسسني ان اهلي غشوه فهمه ولد اختي انو اللي فيها شي عااادي ومو سرطان مجرد غدد متليفه وثلاث ارباع البنات فيهم ذا الشي وغير كذا يتلاشى بعد الزواج وقاله الافضل انك تكلم زوجتك وتتفاهم معها وتتفق على قرار قطع المكالمات وقاله يصير خير والان لي 4 شهور ماكلمنا بعض ولا معطيني فرصه اتكلم واتناقش معه والمشكله الحين تدخلوفيها الاهل والرجال بالتحديد وكم مره اخوي يدق عليه يبي يقابله مايرد وابوه كلم اخوي وقابله وطلب يقابلني ويسمع مني المشكله وقالي خير انا بحاول اتفاهم معه لان الحق كله معك انا محتاجه اتكلم معه شخصيا بس مو معطيني اي قرصه وصلت له بيوم العيد وكلمته رد علي وتفاجا من اتصالي وكنت رسميه جدا معه ووضحت له سبب اتصالي ابي اعرف وش المشكله وايش نهايتها ماعطاني اي مجال اني اتناقش معه وقالي خلاص انا بقابل اخوك وقابل اخوي ابوه واسأله وش سويت مع ولدك قاله هو تفاهم مع زوجته قاله ماقال لها الا انو يبي يقابلني قال لاخوي خلاص بكره حياك وراح اخوي قابل الولد (زوجي ) والابو وتناقش معهم ولااااااااا طلع بفايده قال اني اشتكي من صدري وابكي عنده وهو باااااالغ في الامر واني زاعجته ولا اخليه ياخذ راحته حتى بالعمل اكلمه مع اني والله ماصرت متعلقه فيه بزياده الا يوم هو يعاتبني وينك عن الجوال ليه ادق ماتردين واحيانا وينك عني ليه مادقيتي يعاتبني بعدين يوم صرت قريبه منه يذمني؟؟؟والللله صرت مو عارفه وش يبي قاله اخوي مو عذر ذا الشي من الاخر تبي البنت ولا لا رد وقال يصير خير وطلب منه ابوه يطلع من المجلس وجلس ابوه يتكلم مع اخوي وقاله عطني فرصه اسبوع يحاول يهدي الوضع كلمت ابوه وقلتله انا تعبت من الموضوع اذا مايبي خلاص يطلق قالي مانبي نوصل الى ذا الحل وتناقش معي قرابه نصف ساعه وطلبت منه يخلي زوجي يتناقش معي في المشكله نفسها لاني اعرف انو ابوه قادر يقنعه بس رفض بحجه انو مو حل ذا وانتظرت اسبوع ولا طلع بحل قالي انتظره 18 سوم الى ان يخلص اشقاله وطلب مني يكون الموضوع بيني وبين زوجي وبينه <<ابو زوجي وانا الحين مو عارفه وش اسوي انتظر او ااطلب انا الطلاق والله احس اني ضااااااااااايعه وماني عارفه وش اللي ابي وش اللي ماابيه المشكله انو الموضوع له اكثر من 3 شهور ومن شهرين صار بيد ابوه ولا صار اي حل الى الان