تم بحمد الله إطلاق النسخة التجريبية الثانية لموقع إعفاف - ويسرنا أن نتلقى ملاحظاتكم. ويسعد الموقع بأستضافة علماءومشايخ فضلاء للاجابة على اسئلتكم واستشاراتكم ومنهم : والشيخ الدكتور سعيد بن مسفرالقحطاني والشيخ الدكتور سعد البريك الشيخ عبدالمحسن القاسم امام المسجدالنبوي والشيخ الدكتور محمد الدخيل والشيخ الدكتور سعيدغليفص والشيخ الدكتور عبدالرحمن الجبرين والشيخ طلال الدوسري والشيخ الدكتور حسن الغزالي والشيخ الدكتور حمد الشتوي عضو هيئة كبار العلماء والشيخ الدكتور عبدالله الجفن والدكتورعبدالله بن حجر والدكتور منتصر الرغبان والدكتور ابراهيم أقصم والشيخ محمد الدحيم والشيخ مهدي مبجر والشيخ محمد المقرن والشيخ خالد الشبرمي والشيخ فايز الاسمري والدكتور سعيد العسيري والشيخ الدكتور أنس بن سعيد بن مسفرالقحطاني والشيخ الدكتور علي بادحدح والشيخ حسن بن قعود والشيخ سليمان القوزي والشيخ الدكتور محمد باجابر والشيخ عبدالله القبيسي والشيخ الدكتور محمد البراك والشيخ عبدالله رمزي وفضيلة الشيخ محمد الشنقيطي والشيخ الدكتور صالح ابوعراد والشيخ الدكتور عوض القرني والشيخ الدكتور عبدالعزيز الروضان والشيخ الدكتور عبدالحكيم الشبرمي والشيخ خالد الهويسين والشيخ محمد الصفار والشيخ خالد الحمودي والشيخ عبدالله بلقاسم والشيخ محمد عبدالله الشهري والشيخ رأفت الجديبي والشيخ احمد سالم الشهري والشيخ محمد شرف الثبيتي والاستاذة عبير الثقفي والاستاذة رقية الروضان والاستاذة مها المهنا
 
 


القسم : ضعف الوازع الديني
العنوان : هل اكمل الخطوبة ام افسخها
عدد القراء : 2156

الإستشارة :السلام عليكم ورحمة الله وبركاتة حابة اطرح على حضرتك مشكلتي وبتمنى منك تساعدني واذا طولت عليك بالكلام فتقبل اعتذاري المهم انا بنت سورية عمري 19 سنة من عائلة محترمة ومثقفة وذات موقع اجتماعي مرموق بسوريا وصرت سنة 3 جامعة انا ساكنة هون بالسعودية المهم تقدم لخطبتي شاب عمرو 28 ودارس طب ومتخصص بفرنسا ومستوى العائلي متوسط ودينو قليل سالنا عنهم مدحو الناس منن بس مامدحو من دينهم انا قلت لنفسي بمسك العصى من النص بعمل فترة خطبة بدون ماحد يعرف بدون كتب كتاب وبدرس شخصية واخلاق الشب هادا عملنا خطبة وكانت 4 شهور بالبداية كان الشب قليل دين وصرت اثر عليه وصار يتاثر وصرنا نعمل مسابقات تلاوة قران وكان كويس معي كتير قررت بعد صلاة الاستخارة كذا مرة انو خلص نكتب الكتاب لانو هوه صار بدو نطلع مع بعض ومن هل حكي بدون كتب كتاب قلتلو انو يكتب الكتاب منشان نستمتع بحلال رب العالمين ونبتعد عن الشبهات وفعلا كتبنا الكتاب مع العلم انو كل اخواتي ماكانو مرتاحين للشب وانا كنت خايفة كون استعجلت بما انو لسا باقيلي كذا سنة وبخلص دراستي بعد كتب الكتاب بان على حقيقتو انا منقبة طلب مني شيل النقاب مع انو وجهي فتنة وطلب البس عبايات مزخرفة وحجاب ملون وطلب مني اني اقعد مختلط مع رفقاتو وانو لو سافرنا لبلاد برا نروح ديسكو وقلي بدي ناخد ولادنا معانا على هي الاماكن مع العلم انو انا شرحتلو مستوايي الديني قبل كتب الكتاب وقلتلو انا بدي انسان يفتح معي بيت مسلم ويقدمني لقدام مو يرجعني لورا هل بتشوف حالك الشخص المناسب المهم اتعذبت معاه بااقناعو باشياء دينية كتير وكتابنا صار مثبت بالمحكمة وحصل بيني وبينو خلوة شرعية بس ماصار تجاوزات ابدا واهلو كتييييير مسيطرين عليه وامو كانت تغار مني لانو كان يحبني كتير انا قلتلو ماحشيل النقاب ولاحروح معك عديسكو يابتقبل فيني هيك يااما براحتك زعل وعصب قلتلو خلص بشيل النقاب طبعا بعد جدال استمر لشهور مع انو انا مترددة كنت بهل شي منشان ماخليلو حجة عليي وامو كانت تحرضو عليي كتير وتقلو لو بتحبك بتتنازل عن تدينها الزايد والعقد اللي فيها قلي بدك ترضي فيني هيك وانا عاجبني ديني هيك وانا متل اهلي ومافيني اتغير وطبعا عندو اخت صار عمرها 17 ومابتحط الحجاب ومو مقتنعة فيه وكنت قلو انو اختك حلوة ليش ماتتحجب لازم تغار عليها صار يقول اذا مو عاجبك ديني انا واهلي بتركك قلتلو بصراحة خود اغراضك واشياءك وهدياك وامشي ماعاد بدي ياك لانو كنت مقتنعة بانو من ترك شيء لله عوضة الله خيرا منه طبعا هوه عصب وقال اي وانا ماعاد بدي ياكي وطبعا صار حوارات كتير بيني وبينو منشان نوصل على الاقل لنقطة وسط بيناتنا المهم اتصلت امو وقال خلص منا ننهي الموضوع وبنتكم شايفة حالها انها احسن من ابني ومو عاجبها ابني وشكلها بتحب واحد غيرو وانا كان باقي لعرسي انا وياه شهرين وكان جهازي (الدبش )عندو بالشقة للي عملها منشان نتجوز فيها وكان عندي مفتاح للبيت المهم وقال مافي قسمة ونصيب وخلص رح نجبلها اغراضها ومع انو بعتت والدي منشان يتفاهم معاه واتصلت فيه كذا مره واتصل والدي ورحت لعندو على البيت وتركني على الباب ومافتحلي وغير مفتاح باب البيت واهلو صارو يقولو كلام مو كويس بحق اهلي والو هادا الكلام 3 شهور حطينا حكم من عنا بنية الاصلاح ماردو عليه الا بعد فترة طويلة وقال هوه عم يخطب ورح يتجوز وحدة تانية المهم ساوو مشااااااكل كتير هلق قال بدن ياني ويرجعوني وانا بعد كذبو عليي وتاثير اهلو عليه صرت خايفة منو كتييير وكانو يقولو يابتتنازل عن المؤجل قيمتو (80000 ريال ) ياما خليها معلقة طول عمرها هيك يعني كان بدهم يعضلوني انا خايفة يكونو راجعين منشان مايدفعو الفلوس ويعطوني حقي هنن اغنياء بس عند الفلوس بيوقفو وبيحسبو حساب انا ماتنازلت لانو بصراحة بنات الناس مانن لعبة وعم صلي استخارة بس خايفة يتجوزني وبعدين ينتقم مني بعد الزواج لانو هوه واهلو كتيير لئيمين وكانو عم يحكو علينا باعلعاطل قدام الناس انا كنت بحبو كتييير بس فيني انساه وعندي لسا 3سنين دراسة وعم يجيني عرسان لهلق وانا على ذمتو وعم ارفض لحتى ينحل الموضوع انا بجد خايفة منهم كتييير انصحني ياشيخ

الجواب:
الحمد لله واضح من كلامك أن هذا الرجل قد يفسدك بعد الزواج ويبعدك عن أغلى شيء في حياتك وهو الدين . فلا تقدمي محبته على محبة الله تمسكي بدينك . وأنصحك أن تشترطي لرجوعك أن يتمسك هو بالدين بمعنى على الأقل الصلاة على وقتها فإن وافق فاجعلي فترة لا تقل عن أربعين يوم يحافظ فيها على الصلاة وليسأل عنه أهلك فإن اعتدل حاله وإلا اطلبي الفراق وتنازلي عن المؤخر مقابل سعادتك في الدنيا والآخرة. أسأل الله أن يثبتك على الحق

أضيفت في: 2013-10-03
المستشار / الشيخ: محمد الثبيتي
أضيفت بواسطة : الشيخ : محمد الثبيتي


من نحن
زواج المسيار
نموذج تسجيل الرجال
طلب فتوى
استشارات أسرية
فقه الزواج
دعم الموقع
أضف مشاركة
تصفح ووقع في سجل الزوار
أعلن معنا
شكاوي ومشاكل الموقع
اتصل بنا
عن ابن مسعودرضى الله عنه قال كنا نغزو مع النبي صلى الله عليه وسلم وليس لنا نساء فقلنا يا رسول الله ألا نستخصي فنهانا عن ذلك-البخاري‏



 
© 2012 - 2006 جميع الحقوق محفوظة لموقع إعفاف للزواج والإصلاح الأسري