القسم : خاص بـ(شكاوى ومشاكل الموقع)
العنوان : قبل الزواج عايشه دنياي طبيعيه كل يوم ولكن ........
عدد القراء : 2646

الإستشارة :انا مدري كيف ابدأ بطرح مشكلتي انا اعاني كثير من نفسي واتعب لكن ماتأكدت واقتنعت اني مريضه الا بعد زواجي !!!!ماحسيت بطعم السعاده في الدنيا ولا ارتحت طبعآ قبل الزواج عايشه دنياي طبيعيه كل يوم اتأمل انه بيكون اسعد من الثاني واتعب واصبر وبعد ماتركت الدراسه بسبة نفسيتي لي 3 سنوات تقدمولي خطاب وتزوجت واحد تقريبآ كنت مجبوره عليه تقريبآوكان قمة في الرجوله لكن من شفته وانا منصدمه في شكله لكن ارتحت له تمت الخطبه وتزوجت والحمد الله لي اربع شهور تقريبآ عشت اول شهرين مبسوطه ولله الحمد بعدها بدت الدنيا تظلم في وجهي على شوي شوي واشباح ليل نهار ماصرت قادره انام وآكل زين حتى مع زوجي مهمومه ودايمآ ضايق صدري اهله انصدمت فيهم لكثرتهم ودخولي لبيئه جديده اثر علي تآثير كبير احس ماتقبلتهم لاني بطبعي اتعب من نفسي اضايق احس اني انطوائيه لدرجه كبيره حتى زوجي ساعات ماتقبل وجوده عندي قطعت باهله وشرحت له ظروفي وتفهمهامشت حياتي صارت يمكن احسن شوي مع انه يمر علي اليوم بعذاب وهم واتجمل واصبر واقول كل ضيقه وبعدها فرج انشالله طبعآ زوجي بحكم عمله يروح دوامه ويجيبني لاهلي مدة ثلاث ايام ويجي تعبت من هالروتين هذا حتى لاجاء يآخذني اتنكد واتعب واتصبر واروح واكتم بنفسي لكن انشالله ع اجر يارب وبحكم نفسيتي احس صرت عند اهلي ثقيله شوي صرت حساسه كثير ولااطيق احد انظرلهم كآنهم غريبين عني مو اهلي عفت الدنيا وتمنيت لو ماتزوجت ولابارك الله في سآعة الزواج الي بليت نفسي فيه احس اني انسانه مآصلح اتزوج ع الرغم من اني ع قدر من الجمال والحمد الله وطيوبه بزياده لكني حساسه وقلقه دايمآآ وصرت اشوف الفرق بيني وبين خواتي في طرق تعاملهم واسلوبهم وتصرفاتهم غير بكثير عني انا طبعي خوافه دايما حتى ماعندي ثقه بنفسي اجلس مع احد ولو تكلمت بكلمتين واسكت بعدها مشاركه بس احس مافيه شي يثبت وجودي وحضوري كغيابي مافيه فرق عندهم ووحده من خواتي مبين كرهها لي لدرجة انا يوم تهاوشنا مع بعض قعدت اصيح وتعب تمنيت الموت ابرك لي لاارتحت بيت زوجي ولاعند اهلي والي خلقني ان عيوني تورمت من البكاء وامي قالت لي روحي بيتك لاعاد نشوفك وحزة في خاطري كثير تمنيت ان الارض انشقت وابلعتني ولااسمع هالكلام احس مالي داعي في الحياة مآبي شي منها الا الراحه النفسيه بس هذا في بيت اهلي ,وعند زوجي بعد اتعب اقلق كثير ودايما مهمومه من حالي ولااسولف كثير والطبخ بعض الاحيان اجيده وبعضها لا والي ذابحني تفكيري ووشلون ابعيش عمري كله مع شخص وانا في هالحاله ووربي اعاني وصبرت وصبرت لين نفد صبري وجفت دموعي الى متى ؟ابي توجهون لي نصيحه الله يجزاكم الجنه والاادعي ربي يموتني وارتااااااااااااااااااح من الدنيا وغثاها .