إعفاف للزواج والإصلاح الأسري

القسم : خاص بـ(شكاوى ومشاكل الموقع)
العنوان : انا متزوجه وكنت احب شخصا على النت
عدد القراء : 2649

الإستشارة :انا متزوجه منذ 5 سنوات وزوجى يحبنى كثيرا ويخاف على ولاكن طبعه صعب منه انه يقضى معظم وقته خارج المنزل وعندما يعود يجلس صامتا امام التليفزيون وكل طلباته اوامر ولازم تنقذ وطلبت منه اكثر من مرة ان يتحدث معى ويناقشنى فى الامور التى تضايقنى ولاكن بلا فائدة كما انى لا اشعر معه بالمتعه جنسيا وكلما طلبت منه شيئا يفعله وانا معه يقول كدة عيب ما تتكلميش فى الحاجات ديه تانى بصراحه ساعات بحس انه مسافر ومش معايا خالص المهم من فترة اصيبت بمرض الكانسر وقلت اقعد على النت اشوف الجديد واشوف دكتور يفيدنى فى حالتى اتعرفت على شاب مطلق وعندة بنت واتقربت ليه جدا كان كل يوم يسالنى عملتى ايه النهاردة وجوزى عمرة ما سالنى هذا السوال المهم حبيته وهى حبنى وبدانا نكلم بعض كل يوم وبدا يكلمنى موبايل ويقولى انا عاوزك تبقى مراتى وانا جوزك المهم اخويا عرف وقالى دا كدة زنا بس انا فعلا دلوقتى حسيت بغلطتى وندمت ورجعت لربنا هل ربنا يقبل توبتى وغيرت رقم موبايلى ومسحته من الايميل بتاعى انا فعلا حاسه بندم شديد على اللى عملته فى حق ربنا وحق جوزى وحق نفسى انا جوزى ما يعرفش حاجه لانه مش فاضيلى اللى يعرف بس اخويا ومش راضى يكلمنى رغم انى تبت وعرفت غلطتى انا عاوزة اعرف دلوقتى هل دة فعلا زنا ولا لاء وايه كفارته

الجواب:
الحمد لله من أشد الأشياء على النفس السوية والقلوب النظيفة (( الخيانة )) فالخيانة الزوجية طعنة في القلب وجرح كبير لو صدر من زوجك لما نسيتيه طيلة حياتك . أختي الكريمة : أحسنت بقطع علاقتك المحرمة بذلك الرجل الذي اقتحم بيت غيره بدون وجه حق ولو كان هو مكان زوجك لما قبل بفعله هذا . أكثري من الاستغفار وتقربي لله أولا ثم لزوجك بحسن التبعل وخطأ زوجك بانشغاله عنك لا يساوي ما فعلتيه . الحل : كتمان هذا الأمر والاكثار من الاستغفار والتوبة وعدم الرجوع لمثل هذا الأمر وهذا ليس بزنا بل هو طريق للزنا والعياذ بالله .

أضيفت في: 2011-11-20

المستشار / الشيخ: محمد الثبيتي

أضيفت بواسطة : الشيخ : محمد الثبيتي