القسم : الخطبة ومايتعلق بها
عدد القراء : 407

السؤال: انا منقبة ولله الحمد تقدم الى خطبتى شاب مناسب بكل المقايس لاى فتاة وقد صليت صلاة الاستخارة واحسست انى مرتاحة للموضوع خاصة انى اكتشفت انه شخصية كويسة صادق وصريح فى كل شىء وعاوز يجيب لى كل شىء انا عاوزاه بس المشكلة الوحيده اللى عنده هى انه عاوزنى اخلع النقاب وبيقولى ان النقاب صح وانك تظهرى وشك كمان صح يبقى ليه مانمشيش الصح اللى احنا متعودين عليه من الناس ومنبقاش شاذين وقال ان ممكن بعد الزواج نفكر فى حكاية النقاب ونشوف الصح ونعمله بس انا مرتاحة فى النقاب ومش عاوزة اخلعة لكن والدى قالى اذا وافقتى على العريس او لا بردة هاتخلعى النقاب لانه ماكانش موافق عليه من الاول وانا اللى اصريت عليه انا خايفة ومش عارفه اعمل اية خايفة ما اقدرش اقنع ابى تانى ان البس النقاب بعد اما ارفض العريس وفى نفس الوقت مش قادرة ارفضة لانه كويس (ممكن يكون نعمه انعمها الله عليا وانا ارفضها فيغضب عليا )ارجوكو عاوزة الرد بسرعه لان مش قدامى وقت كافى انا فى حيرة