القسم : مشكلات زوجية-سوء العشرة
العنوان : لما حاولت اعرف السبب قال خليكي في
عدد القراء : 2262

الإستشارة :سأطرح اليك مشكلتي عسى الله أن يكتب حلها على يدك ، أنا متزوجة من ثمانية اشهر من ابن عمتي بعد خطبة استمرت خمس سنوات والزواج كان برغبة الاهل فهو لايعرفني الا اسما وانا كذلك تزوجنا في الشهر الاول كانت ايام جمله مثل اي وحدة بس كان يقصر في بعض امور الدين احيان الصلاة يهملها ويحب يتابع تلفاز ويسمع غناء..... انا كنت اتضايق بس مرات انصح ومرات كثيرة احاول اتجاهل بعد شهر تغير الرجل معاي تماما صار اذا دخل البيت يتأفف وما يكلمني ابدا لدرجه وصلت في الايام الاخيرة انه بغرفه وانا بغرفه أنا ماني عارفه ايش السبب لما حاولت اعرف السبب قال خليكي في حالك وما عليكي في وقلبها مشكله ما ادري ليش؟؟؟ تركته في حاله زي ما طلب والله حتى اغراض للبيت ما اطلب عشان ماضايقه واحارل اظهر اني مبسوطه بس الرجل تمادى لدرجة انه صار كانه محرم نشوف بعض يقعد في غرفه منعزله عنلى النت عند باب الشقه وعنده حمامه مايدخل علي الا لو يبغى الملابس من الدولاب وانا تاركته في حاله واشتريت جهاز محمول اشغل نفسي بشي نافع واترك الرجال زي ما يحب ، في يوم جا وجلس على جهازي بعدها لمان فتحت الجهاز وانا ماكنت اعرف كثير في الماسنجر كنت فاتحه ابغى اتعلم فتحت على سجل محادثات ولقيت محادثاته مع فتيات وبان من الكلا م المكتوب انه متعلق بوحده ويكلمها على الجوال أنا صدمت بس سكت ماقدرت اكلمه واتناقش لأني بصراحه انا شخصيه ضعيفه جدا بعد شهر من الصمت لم اتحمل لاني صرت اسمع صوته يكلم قبل الفجر ولما يدق الجوال ياخذه وهو مرتبك طلبت الجوال منه يوم كنت بدق على اختي وقتها الشيطان سول لي اني افتش بالجوال لقيت فيه ارقام باسماء حريم لمان صارحته كان الكلام ما منه اي فايده لانه يقول عادي الواحد يكلم بنات ليش انتي زعلانه ساعتها انا شفت انه نحنا مو مناسبين لبعض افكارنا متضاربه وحسيت بكره تجاه هذا الرجل واني ما اقدر اعيش معاه رحت عند اهلي وطلبت منه الانفصال كان يظهر لي خوفه عشان اهله واهلي ايش نقولهم رحت كلمت اخوي المقرب تفاهم معاه وقلي ارجعي اعطي الرجال فرصه لما رجعت تصارحنا بالموضوع ايش سبب البعد والجفا الي بيننا وليش يكلم النات اعترف بلي في نفسه وقال انا تغيرت عليكي لان انا جوي غير عن جوك انا احب اشياء انتي ما تحبيها وانتي تبين واحد يقعد يسولف معاك هذا مستحيل لاني انا امل منك واطفش من كلامك والي تسويه ما يعجبني وانا ما جي البيت لان مافي شي يجذبني للبيت وانا احيان احس اني مو متزوج قلت : انت ترضى انك تعيش كذا حياة مالها طعم قال عادي كل واحد يسلي نفسه ويعيش الجو الي يحب واخذ فراشه واغراضه وراح للغرفه المنعزله انا تضايقت من الكلام ورحت قلتله فكر بالموضوع وانا بفكر لا أحد منا يظلم نفسه ويعيش حياه كئيبه مجرد ماقلت الكلام رجع بفراشه للغرفه وقعد يقنعني ماننفصل وهذا كله خوف كيف يواجه الاهل وانا احس اني ماني قادره اعيش معاه انا الحين محتاره اكمل حياتي كذا واشغل نفسي بالخير واصبر على البلاء الي انا فيه مع اني احسه صعب ولا اتركه والله يعوضني خير اتمنى انك تردي علي باسرع وقت